به  ‌خێربێن  بۆ  ساباتی  هه‌مه‌ڕه‌نگی  که‌لتوری  کورده‌واری ‏>>>><<<<  له ‌ژێر ئه‌م ساباته‌دا  ڕۆژانه‌  بابه‌تی  نوێ  ئاماده  ‌ده‌کرێ ،، که‌لتوری  کوردی  ده‌رباره‌ی  چه‌مچه‌ماڵ  گۆرانی نوێ  هۆنراوه  ‌ هتد

	هێمن که‌ریم خورشید په‌یوه‌ندی خه‌و ئه‌بینی له‌ که‌ناری کام ڕووباردا ئێستا سۆزت چرۆ ئه‌کا له‌ فرمێسکی کام هه‌وردا ئێستا ڕۆحت مه‌له‌ ئه‌کا ئێستا گوڵی کامه‌ باخچه‌ی کام ڕه‌نگت له‌ به‌ر کردووه‌ ئه‌و ڕه‌نگانه‌ی له‌ من فێربوی هیچیانت ون نه‌کردووه‌ ئێستا تریفه‌ی کام مانگی له‌ خه‌یاڵی کام ئاسمانی ناز به‌ ئه‌ستێره‌ ئه‌فرۆشی یان وه‌ک جاران میهره‌بانی دڵی پڕ ڕاز و گله‌ییت سۆزاوی یه وه‌ک دڵی من یان ئێواران چاو گڕ ئه‌ده‌ی بۆ بینین و تارمایی من خه‌و ئه‌بینی به‌ گوڵه‌وه‌ بیکه‌یته‌ دیاری ئه‌وینێ ماچ ئه‌بینی له‌ سه‌ر لێوت له‌ تاوا خۆی بسوتێنێ شیعر ئه‌بینی وه‌کو هی من بێ ناز بێ ناز بۆ خۆی بگری له‌ ئه‌ستۆی تۆیه‌ گۆناهی ئه‌و هه‌موو پیته‌ هه‌ڵ بگری‌   ‌ مه‌م گرێنه به‌م شه‌وه‌ بۆ ئه‌مگرێنی چاوم به‌ گریان نامۆیه ‌عه‌شقت له‌ سه‌ر خاکی سینه‌م وڵاتێکی سه‌ر به‌ خۆیه‌ گوڵم به‌م تاریکی شه‌وه‌ ملی کام ڕێگات گرتووه‌ کام ڕه‌شه‌ با بێ پرسی من دڵی ناسکتی بردووه‌ ئه‌وه‌ چرای کام ناحه‌زه‌ له‌ چاوانتا داگیرساوه‌ ئه‌وه‌ چه‌تری کام ئه‌وینه‌ که‌ بۆ باڵات هه‌ڵی داوه‌ با نزای شێتم نه‌تگرێ مه‌مگرێنه‌ له‌ خۆڕایی با نه‌تکه‌مه‌ چیرۆکێکی سه‌راپا له‌ بێ وه‌فایی وه‌ره‌ هه‌ر چی له‌م ماڵه‌یه‌ هه‌مووی به‌ره‌ له‌ گه‌ڵ خۆتا ئاگات لێ ‌یه چۆن ئه‌سرینم دێته‌ خوارێ له‌ به‌ر پێتا دڵۆپێ له‌و ڕاز و سۆزه‌ی جارانت داببارێنه‌‌ بگه‌ڕێوه‌ تو چاوی خۆت له‌وه‌ زیاتر مه‌م گرێنه   له‌ فرمێسکه‌کانم ئه‌چی که‌ ئه‌تبینم وا هه‌ست ئه‌که‌م ئه‌مڕۆ ژیان ڕازاوایه‌ له‌ په‌ری به‌هه‌شت جوانتری هێنده‌ سیمات گه‌شاوه‌یه‌ له‌ ناسکی دا هه‌ناسه‌م له‌ بێ گه‌ردی به‌فر ئه‌چی کاتێ نازت ئه‌بارێنی له‌ فرمێسکه‌کانم ئه‌چی من بزانم به‌یانی یه‌ک له‌ گه‌ڵ شه‌ونمدا هاتویته‌ هه‌تاو کاتێک تۆی بینیوه‌ له‌ سه‌ر گه‌ڵایه‌ک نوستویته‌ که‌ چاوانی تۆم لێ دیار بێ ڤینۆس لای من مانای نی یه‌ گله‌یی له‌ دڵت ناکه‌م چاوت بۆ بێ به‌زه‌یی یه‌ !؟ که‌س وه‌کو من بۆت ناسوتێت که‌س نه‌گریاوه‌ بۆ جوانیت فرمێسکه‌کانیش بێنه‌ جواب بڕوا ناکه‌م پێ ی بزانیت تاوانه‌ له‌ بیر کردنیان ئه‌وه‌نده‌ ئازارت داوم ته‌مه‌نێکه‌ ئه‌م چیرۆکه‌ منی نائومێد وه‌ستاوم خوا ته‌نیا بۆ عه‌زابی من ئه‌و جوانی یه‌ی داوه‌ به‌ تۆ من نه‌فامم من مناڵم که‌ تامه‌زرۆم بۆ عه‌شقی تۆ